Anika Smit-moord: Masseuse vertel pa besoek haar

Dit was haar “verdiende loon”, het Anika Smit se pa na bewering ’n paar dae ná haar moord gesê.

Die persoon aan wie hy dit glo gesê het, was destyds ’n skoonheidsterapeut by die salon waarheen Johan Smit gegaan het vir ’n nek-en-rug-massering. Die getuie was ook ’n polisiereservis.

Nadat sy tydens die massering krapmerke aan die pa se nek opgemerk het, en sy uitlating haar ontstig het, het sy volgens haar ’n polisiekaptein hieroor gekontak.