Die kommissaris wat die onregverdige afdanking van agt werknemers van die diamantsmous Louis Liebenberg behartig het, het dit as “die mees vulgêre en oneerbiedige afdanking in jare” bestempel.
Liebenberg, wat aan die hoof staan van ’n reeks maatskappye wat onder die vaandel van Forever Diamonds and Gold (FDG) bedryf word, het die werknemers van sy maatskappy Tarioco in Mei verlede jaar summier afgedank.
Hulle het Liebenberg na die Kommissie vir Versoening, Bemiddeling en Arbitrasie (KVBA) toe gesleep om vergoeding vir hul onregverdige afdanking te eis.