Die Namibiese ministerie van omgewing, bosbou en toerisme het ’n foto veroordeel van naakte toeriste op die kruin van die Big Daddy-duin by Sossusvlei in die Namib-Naukluft- nasionale park.
’n Plaaslike dagblad het Woensdag berig dat besoekers aan Sossusvlei geskok was toe hulle naakte mense in die park teëkom, berig The Namibian.
Dit is onbekend wie die foto’s en ’n video geneem het van die drie mans wat wyd op sosiale media versprei is, berig die BBC.