Vermoorde Weskus-man se lyk op sy verjaarsdag ontdek

Die bure van ’n bekende varkboer en skroothandelaar van die Weskus het op sy verjaardag op sy lyk afgekom nadat hy nie sy selfoon geantwoord het nie.

Jose Camacho (77) is vermoedelik Dinsdagaand op sy kleinhoewe in Vredenburg vermoor, sê Dirk Gallowitz, wat lid is van ’n plaaswag wat ná ’n ander moord op ’n nabye plaas verlede maand gestig is.

“Mense het hom al Dinsdagaand probeer bel, maar hy het nie oproepe geantwoord nie,” sê Gallowitz Donderdag aan Netwerk24.