Dis nie net onwettig om verkiesingsveldtog-plakkate teen elektriese infrastruktuur aan te bring nie, maar ook gevaarlik. Daarom waarsku Eskom politieke partye om hulle daarvan te weerhou om plakkate teen hul infrastruktuur aan te bring.
“Dit sluit kragpale, kragtorings, kragmeters en mini-substasies in. Elektrisiteit is onsigbaar met die blote oog. In die verlede was daar ongelukkig voorvalle waar mense geskok of doodgeskok is toe hulle plakkate opgesit het,” sê Eskom in ’n verklaring.
Volgens die kragverskaffer word slegs gemagtigde personeel toegelaat om op sy elektriese strukture te klim of daar te werk.