Verstappen, Trump verheug oor Norris se eerste F1-oorwinning

Almal is tog te bly dat daar ’n slag ’n ander wenner in Sondag se Miami-Grand Prix was.

Die McLaren-renjaer Lando Norris se eerste sege in ’n Formule Een-wedren is wyd gevier – deur van Max Verstappen tot Donald Trump.

Dit is ’n oorwinning wat almal meen al lank vir Norris aan die kom was. Norris het voor Sondag die rekord gehou vir die meeste podiumplekke sonder ’n oorwinning (15). Dit het agt tweede plekke in 110 F1-wedrenne ingesluit.