Daar is niks fout met oudpres. Jacob Zuma se gesondheid nie en sy verstand is veel helderder as dié van pres. Joe Biden van Amerika.
Dít was Woensdag die reaksie van die party uMkhonto weSizwe (MK) op berigte dat daar kommer oor Zuma se gesondheid bestaan nadat hy glo onlangs geval het.
Nhlamulo Ndhlela, woordvoerder van MK, het dié bewerings by navraag ontken. MK is meer bekommerd oor bedreigings vir Zuma se veiligheid as oor sy gesondheid.