’n Suid-Kaapse man wat korrektiewe toesig uitdien weens die dood van ’n matriekmeisie ná ’n motorongeluk is weer gearresteer – dié keer weens dronkbestuur.
Sydney Berry, ’n programmatuur-ingenieur van Groot-Brakrivier, het minder as ’n jaar gelede buite die landdroshof in Oudtshoorn gehuil nadat hy tot drie jaar korrektiewe toesig gevonnis is weens die verdrinking van die 18-jarige Marilize Nortier, ’n leerling aan die Langenhoven Gimnasium.
Hoewel Berry se mees onlangse ongeluk reeds in Februarie gebeur het, was die departement van korrektiewe dienste onbewus daarvan totdat Rapport hulle ingelig het.