Die ontslape Steinhoff-baas, Markus Jooste, se vrou, Ingrid, erf drie vuurwapens, agt voertuie, verskeie kunswerke, twee polisse, ’n aftreeannuïteit en sowat R73 000 uit haar man se Capitec-bankrekening.
Geen eiendom word as bates gelys in die boedel van die 63-jarige Jooste wat op 9 April by die landdroshof in Grabouw ingedien is nie.
Sy vrou, Ingrid (62), word as sy enigste erfgenaam benoem in die testament wat op 25 Junie 2020 opgestel en onderteken is.