’n Onderwyser wat oor drie maande sou getrou het, is saam met sy ma in ’n grusame botsing buite Vanderbijlpark dood toe ’n vragmotor hul voertuig getref het.
Gerbrandt Ferreira (31), ’n onderwyser aan die Hoërskool Driehoek in Vanderbijlpark, en sy ma, Magda Ferreira (63), ’n oudonderwyser, is Saterdagaand op slag in ’n motorbotsing op die berugte kruising van die R42 en R57 (die “kruising van die dood”) in Vanderbijlpark dood.
Die vragmotorbestuurder het na bewering nie by dié kruising stilgehou nie.