Hulle is verpletter ná wat gebeur het en wag angstig op nuus, of dit nou is om lykshuis of hospitaal toe te gaan.
So sê Andrew Sichali, ’n Malawiese boorling wat in George woon, oor sy skoondogter Tiavonge Muhango, en nog mense uit die gemeenskap soos Florence Kawongo, wat in die woonstelblok gewerk het wat Maandagmiddag in George inmekaargestort het. Die soektog na die vasgekeerdes duur voort.
Volgens Sichali is die Malawiërs in George soos een groot familie.