’n Gesin van Meyerton in die Vaaldriehoek het vermoedelik minstens ’n week dood in hul meenthuis gelê voordat bure die polisie ontbied het.
Dit is steeds ’n raaisel presies wanneer Hans Roos (68), sy vrou, Susan (62), en hul seun, Hansie (46), dood is, het konst. Tlaleng Moloi, polisiewoordvoerder in Meyerton, Woensdag gesê.
Die polisie is verlede Woensdag, 17 April, omstreeks 15:00 ontbied na ’n meenthuiskompleks in Suikerbosweg in Golfpark, Meyerton.