Die vermeende baasbrein van Mirror Trading International (MTI) het oënskynlik die laaste paar jaar tot sy dood Maandag ’n rojale lewe in Brasilië gelei.
Dit terwyl Johann Steynberg (40) se Suid-Afrikaanse vrou, Nerina, in Suid-Afrika in sak en as en met miljoene rande se skuld agtergelaat is.
Steynberg, wie se MTI beskryf word as een van die grootste kriptogeld-bedrogskemas ter wêreld, is Maandag tuis in die staat Goiás in Brasilië aan ’n hartaanval dood.