.
.
Die Noord-Kaap se hernubare-energiebronne is die antwoord op beurtkrag in Suid-Afrika, het dr. Kgosientsho Ramokgopa, minister van elektrisiteit, Vrydag in Upington aan sakelui gesê.
Hy het Donderdag die opening van Scatec se sonkrag-en-battery-aanleg buite Kenhardt bygewoon. Dit is een van die grootste hibriede projekte ter wêreld met 540 MW-sonkragkapasiteit, 225 MW-batterye en 1,1 GWh- bergingskapasiteit.
Die terrein strek oor 879 hektaar en beslaan 10 km van noord na suid. Sowat 1 miljoen sonpanele is hier opgerig en 9 000 km kabels gelê, sê Martin Slabbert, woordvoerder van Scatec. Die projek is volgens skedule binne 18 maande gebou.
