.
.
Sy het altyd geweet haar hart is op die regte plek toe sy daardie foto in haar gr. R-klas by die Laerskool Schweizer-Reneke geneem het, ongeag wie dit op watter manier geïnterpreteer het.
Dié wete, sê juffrou Elana Barkhuizen, is Dinsdag finaal bevestig toe sy ’n skriftelike, openbare verskoning van Viola Motsumi, Noordwes se LUR vir onderwys, ontvang het.
Daarin vra Motsumi vir Barkhuizen namens die vorige LUR (Sello Lehari) en die onderwysdepartement om verskoning vir die skending van haar regte, privaatheid en voortydige, ongegronde bewerings van rassisme wat haar en haar familie se veiligheid bedreig het.
