.
.
Oscar Pistorius (37) is Maandagoggend die eerste keer sedert hy op 6 Julie 2016 tronk toe is op aanklag van moord op sy destydse meisie, Reeva Steenkamp, in die openbaar afgeneem.
Deaan Vivier, Netwerk24-fotograaf, het die eertydse paralimpiese atleet Maandagoggend buite die departement van korrektiewe dienste (DKD) se kantoor in Pretoria afgeneem toe hy hier kragtens sy paroolvoorwaardes aangemeld het.
Dit is ook die eerste keer sedert Pistorius op 3 Januarie vanjaar onder streng voorwaardes op parool vrygelaat is, dat hy in die buitewêreld weer gesien en deur enige media afgeneem is.
