Van Donderdag af sal die belange van alle Moslemvroue en kinders beskerm word wanneer Moslemhuwelike ontbind word.
Pres. Cyril Ramaphosa het die Wysigingswetsontwerp op Egskeiding onderteken wat die Egskeidingswet van 1979 wysig om Moslemhuwelike te erken en die belange van Moslemvroue en kinders van Moslemhuwelike te beskerm in die geval waar huwelike ontbind word.
Die nuwe wetgewing kom nadat die konstitusionele hof byna twee jaar gelede, in Junie 2022, die parlement opdrag gegee het om binne 24 maande dié wet aan te pas.