.
.
Tuinstoele, ’n peperduur Les Paul-kitaar, ’n potspeltafel, ’n branderplank, ’n dubbeldeur-yskas, leerbanke, ’n lugbraaier en twee bokse wyn.
Dit is van die roerende bates wat die balju Woensdagoggend uit die omstrede diamantsmous Louis Liebenberg se huis in Durbanville, Kaapstad, verwyder het.
Die balju het toegeslaan terwyl Liebenberg regstreeks op SABC2 aan ’n paneelgesprek deelgeneem het om sy nuwe loopbaan in die politiek te bevorder. Die balju het tegelykertyd ook op sy kantore in Kempton Park in Gauteng toegeslaan.
