Die stadsbestuurder van die Johannesburg-metro, Floyd Brink, het Woensdagoggend inhegtenisneming vrygespring nadat sy van op die lasbrief verkeerdelik as “Blink” aangedui is.
Die balju wou die lasbrief vir sy inhegtenisneming uitvoer omdat hy glo as stadsbestuurder ’n hofbevel geminag het. Die hof het die stad beveel om nie ’n maatskappy se water af te sny nie, maar die stad het voortgegaan en dit gedoen.
Netwerk24 het verneem dat die balju nie die lasbrief kon uitvoer nie omdat Brink se van as “Blink” op die lasbrief aangedui is.