Ouers van ’n hoërskool aan die Wes-Rand is bekommerd oor hul dogters se veiligheid nadat van hulle glo met verkragting gedreig is.
Die Gautengse departement van onderwys het Woensdag amptenare na die Hoërskool Riebeeckrand in Randfontein gestuur om bewerings van ’n sogenaamde “verkragdag” te ondersoek.
Ouers van die skool beweer ’n “verkraglys” met verskeie meisies se name daarop is sowat twee weke gelede op ’n kennisgewingbord in die skool aangebring. Seuns waarsku glo daarin dat dié meisies op Woensdag 24 April verkrag sou word.