.
.
Voorgestelde nuwe intelligensie-wetgewing sal nie ’n tweede vlaag staatskaping in Suid-Afrika keer nie.
Heidi Swart, navorsingskoördineerder van die organisasie Intelwatch, het Dinsdag dié vermaning oor die Wysigingswetsontwerp op Algemene Intelligensiewette aan LP’s in die Nasionale Raad van Provinsies (NRP) gerig.
Intelwatch het saam met Cosatu, Freedom of Religion en verskeie individue mondelingse voorleggings gedoen oor dié wetsontwerp wat Suid-Afrika se intelligensiedienste drasties gaan verander. Dit is reeds deur die Nasionale Vergadering aanvaar.
