.
.
Dit sal voortydig wees om die beleërde Nosiviwe Mapisa-Nqakula te versoek om haarself van haar pligte as speaker van die Nasionale Vergadering (NV) te onthef terwyl die beweringe van korrupsie teen haar nog nie werklik getoets is nie, sê adj.pres. Paul Mashatile.
Hy het Donderdag so in die parlement gesê nadat Siviwe Gwarube, DA-hoofsweep, by hom wou weet of die ANC die mosie van wantroue wat die DA vroeër teen Mapisa-Nqakula ingedien het, sal ondersteun.
Mapisa-Nqakula is tans met spesiale verlof. Sy word deur 12 aanklagte van korrupsie in die gesig gestaar weens beweringe van omkopery waar sy geld in haar termyn as minister van verdediging en militêre veterane ontvang het. Sy ontken dit ten sterkste.
