.
.
Die regering wil nou die private sektor betrokke kry om die polisie se hoofkwartier, wat verlede maand inderhaas weens “onaanvaarbare en onmenslike toestande” gesluit is, en ander geboue op te knap en in stand te hou.
Bernice Swarts, adjunkminister van openbare werke en infrastruktuur, het Woensdag op ’n vraag-en-antwoordsessie in die Nasionale Vergadering (NV) gesê die diensverskaffers sal teen Oktober aangestel word en dat die herstelwerk aan die Telkom-toringgeboue in die Pretoriase middestad minstens 18 maande sal duur.
Volgens haar vorm dit alles deel van ’n nuwe projek van die departement ingevolge waarvan die private sektor teen vergoeding geboue van die departement vir ’n tydperk van 20 tot 25 jaar sal bedryf en in stand sal hou.
