Ekonomiese vryheid kan almal beskore wees – opposisiepartye

Verskeie opposisiepartye het Saterdag oor die land heen oor Vryheidsdag besin.

Die boodskap van die DA-leier, John Steenhuisen, wat in Durban was, het oor ekonomiese vryheid gegaan.

“Dit is belangrik om terug te dink oor waarvoor die land op 27 April 1994 gestem het. Hoewel daardie dag oor die viering van gelykheid, diversiteit en demokrasie gegaan het, het dit ook gegaan oor die belangrikste vryheid van alles: ekonomiese vryheid.”