Nosiviwe Mapisa-Nqakula, die vorige speaker van die Nasionale Vergadering (NV), het die departement van verdediging gevra om haar regskoste te betaal vir haar korrupsieverhoor – en dis toe sonder die nodige toestemming goedgekeur.
Ondersoek word nou gedoen na waarom die betrokke amptenaar gunstig op Mapisa-Nqakula se versoek reageer het.
Die versoek is Vrydag aan die departement van verdediging en militêre veterane gerig. Dit is volgens die departement “ongelukkig” aan die kantoor van die hoof van die Suid-Afrikaanse Nasionale Weermag se regsdienste, genl.maj. Eric Mnisi, gerig.