As brandstofpryse meer gereeld as een keer per maand kon verander, sou dit vandag 49c per liter goedkoper geword het om petrol in te gooi en tot 73c per liter goedkoper om diesel in te gooi.
Dis die oorverhaling (dus potensiële daling) wat aangeteken is in die eerste twee weke van die oorsigtyd vir Junie se brandstofpryse.
Helaas is dit nog te vroeg om ’n daling in brandstofpryse te vier. Vir Junie se pryse is daar ’n oorsigtyd van vyf weke wat op 26 April begin het en tot 30 Mei duur – baie water kan nog oor die volgende drie weke in die see loop.