’n Hele span sakereddingspraktisyns gaan probeer om ’n melkvervoermaatskappy te red wat miljoene rande aan sowat 20 melkboere skuld en hulle kommunikeer dringend met dié onderneming se krediteure.
Desmanda Milk, ’n Gautengse maatskappy, is Maandag in sakeredding geplaas nadat hy nie vir miljoene liters melk kon betaal wat hy by boere in KwaZulu-Natal, die Vrystaat en die Oos-Kaap aangekoop het nie.
Die onderneming het melk by die boere aangekoop en na groot melkverwerkers versprei. Desmanda behoort aan Flip en Amanda Jacobs.