Caster Semenya se appèlsaak voor die Europese Menseregtehof sal op 15 Mei begin.
Die 33-jarige Suid-Afrikaner het in Julie verlede jaar ná ’n lang hofstryd in dié hof ’n oorwinning behaal, wat beslis het dat Wêreldatletiek Semenya se oorspronklike appèl teen testosteroonregulasies nie behoorlik aangehoor het nie.
Semenya veg in die Menseregtehof daar teen regulasies wat vereis dat vroue met natuurlike hoë testosteroonvlakke medikasie moet neem om dit te verlaag indien hulle aan atletiek wil deelneem.