.
.
Suid-Afrika se Lloyd Harris het danksy sy suksesvolle besoek aan Suid-Korea 34 plekke op die wêreldranglys geklim en beklee nou die 149ste posisie.
Hy het voorverlede week met sy plek in die kwarteindronde in Busan se Challenger-toernooi 12 plekke verbeter en deur die afgelope naweek in Gwangju met die titel weg te stap nog 22 plekke geklim.
Die 27-jarige Harris het Sondag daar sy vierde Challenger-titel en eerste sedert 2019 gewen toe hy vir Bu Yunchaokete van China met 6-2, 3-6, 6-4 in die eindstryd van die hardebaan-toernooi geklop het.
