Oudpres. Jacob Zuma se MK-party het op groot skaal handtekeninge vervals om vir die komende nasionale verkiesing te kon registreer.
Só beweer ’n gewese senior amptenaar van die party in ’n verklaring wat die afgelope week aan die Wes-Kaapse polisie oorhandig is.
Lennox Ntsodo sê hy het in Februarie ’n span van sowat 20 mense aangestel om te help met die massavervalsing van handtekeninge nadat die Verkiesingskommissie (OVK) die MK-party se aanvanklike aansoek om registrasie afgekeur het.