.
.
Dat die Patriotic Alliance (PA) in tussenverkiesings munisipale wyke van die ANC én die DA afgerokkel het, wys dat dié party beslis ’n faktor in die Wes-Kaap gaan wees om in die komende verkiesings mee rekening te hou.
So sê Wayne Sussman, ’n verkiesingsontleder, nadat Gayton McKenzie se party Woensdag wyk 11 (Wesbank) in Malmesbury in die Swartland-munisipaliteit van die DA en wyk 9 in Oudtshoorn (Dysselsdorp) van die ANC afgeneem het.
Sussman sê die land se twee grootste partye het ondanks dié terugslae egter ook albei goed in ander tussenverkiesings gevaar, met die DA wat drie wyke in Gauteng behou en selfs ’n wyk van die ANC in die Oos-Kaap afgerokkel het.
