.
.
Kom ondersteun die spanne in hierdie groot sportbyeenkoms. Agter, van links, is Nicole Snyman, Kelly Gouws, Paul Barnes (Despatch Superspar, hoofborg), Kosie Smit (skoolhoof), Louis Fourie en Sinèad Fielies. Voor is Lutkin Kemp, Gelukbringer, en Ru-Ane Wentzel.
Foto: Verskaf
Wanneer die eerste herfsblare begin val, skud die Hoërskool Despatch hul vere reg vir die immergewilde sportfees wat op Vrydag en Saterdag, 8 en 9 Maart, plaasvind.
Die dorp kry sy jaarlikse sportinspuiting wanneer leerders uit alle uithoeke aan hokkie, netbal en rugby kom deelneem. Dis fluitjies wat blaas, toeskouers wat juig, pannekoekbeslag wat in panne sis, braaivleisvure en hope jolyt. Gryp ’n sonhoed en sonskerm en kom deel in die pret wanneer Hoërskool Despatch sy 75-jarige feesvieringe ook op die sportveld en -bane vier.
Die aksie vind plaas vanaf 08:00 tot 17:30 op albei dae.
