Dazhon Darien (31), ’n onderwyser van Pikesville High School in Baltimore in die VSA, is gearresteer nadat hy glo kunsmatige intelligensie (KI) gebruik het om ’n rassistiese video van die skool se hoof te maak.
Die BBC berig Darien word aangekla van diefstal en bekruiping, asook van ander klagte wat met ontwrigting by die skool verband hou.
Darien het glo die KI-programme OpenAI en Bingchat gebruik om ’n video van die skoolhoof, Eric Eiswert, te maak waarin hy aanmerkings oor swart leerlinge en twee Joodse onderwysers maak.