Die Referendum-party (RP) se bekendstelling van sy verkiesingsmanifes Maandag op die R62-pad op die grens tussen die Wes- en die Oos-Kaap was “rassisties, kwaadstokery en uitlokkend”, meen die ANC.
Mahlengi Bhengu-Motsiri, ANC-woordvoerder, het Donderdag gesê Suid-Afrikaners het “met skok” toegekyk hoe “ongemagtigde vigilante” die pad sluit en swart mense aan deursoeking onderwerp.
Phil Craig, RP-leier, sê egter die ANC se reaksie is “lagwekkend” en “suiwer onsin”.