Die Stellenbosser Anne Taylor meen daar is 'n paar dinge wat jy móét weet en hê voor jy 'n reis na Skotland aanpak.
Lees hier meer oor al haar avonture.
Sy deel die wenke wat sy geleer het ná verskeie besoeke aan dié land:
- Soek vir die goedkoopste vlugte – neem in ag dat jy na Londen kan vlieg, ’n trein na Edinburg kan haal en vandaar verder kan reis.
- Kry ’n besoekersvisum vir die Verenigde Koninkryk wat vir ses maande geldig is.
- Geen gesondheidsertifikate is nodig nie.
- Soek vooraf bed-en-ontbyt-verblyfopsies.
- Pak toiletware in 100 ml-houers en sorg dat dit, saam met medikasie, sigbaar is as jy dit saam met jou in jou handbagasie dra.
- Kyk na die weerstoestande en pak klere wat jy in lae kan dra.
- Gemaklike stapskoene is noodsaaklik, asook stewels in die winter.
- Reis altyd so lig as moontlik, want minder is regtig meer.
- Pak ’n klein sambreel in – die reën val gereeld en dit kan nuttig wees.
- Vind vooraf uit of daar enige lekker gebeurtenisse plaasvind in die dorpies wat jy gaan besoek.
- As daar ’n vertoning is wat jy wil sien of uitstalling wat jy wil besoek, bespreek jou kaartjies vooraf aanlyn.
- As jy dit oorweeg om iets soos die Edinburgh Fringe te besoek, beplan en bespreek vooraf.
Anne gee wenke oor vervoer, kos en plekke om te besoek
- Dit is maklik om met die trem van die Edinburg-lughawe tot in die stad te kom. ’n Retoerkaartjie vir die trem is heelwat goedkoper as eenrigting.
- Busse en trems is baie toeganklik en jy kan met jou bankkaart betaal.
- Uber is om die een of ander rede nie so toeganklik nie.
- Dit is ’n redelik kontantlose bestemming – jy kan selfs vir koffie met jou bankkaart betaal.
- Eetplekke wat sy aanbeveel: The Palmerston, Argyle Place en Honeycomb & Co. vir laat ontbyt, en The Fishermarket en Dishoom in Edinburg. “Dit is regtig maklik om kosplekke te google en ek sal ook aanbeveel dat jy vooraf bespreek.”
- As jy op Instagram is, gaan kyk gerus na die “Visit Edinburgh”-blad. Indien jy ’n TikTok-gebruiker is, is daar ook altyd “moet-besoek” inligting wat opduik
Toer ook saam met vier lesers deur Kroasië en Bosnië en Herzegowina.
GEBORG
Wanneer die wanderlust jou pak en jy jou volgende reis wil begin beplan, maak gerus van hierdie diensverskaffers gebruik:
Christine van Wyk Toere
Kjenner, connoisseur, mea’ike, znalec, tuntija, fynproewer . . .
Dit maak nie saak in watter taal jy dit sê nie: dit is uniek-eksklusief! Christine van Wyk Toere bied reeds sedert 1980 toere vir die fynproewer aan. Dié familie-onderneming heg baie waarde aan gehaltediens en toerlede getuig van toerherinneringe en -vriende wat ‘n leeftyd duur. Reis saam op onvergeetlike toere na van die mooiste plekke in die wêreld – oorsee en in Suid-Afrika.
Toerspyskaart vir die res van 2024
Ryntoer: 23 April – 3 Mei (vol bespreek)
Bootvaart Nederland en Ysselmeer: 4 – 14 Mei (vol bespreek)
Noorweë: 7 – 17 Junie
Krugerwildtuin en Panoramaroete: 5 – 11 Junie
Nederland en België, André Rieu: 5 – 14 Julie
Donau-bootvaart en Praag: 19 – 29 Augustus
Namakwaland en Cederbergtoer: 19 – 26 Augustus
Bootvaart in Spanje: 21 – 30 Augustus
Namibië saam met Live the Journey: 2 – 15 November
Kersfeestoer: 17 – 27 Desember
Skakel 082 377 9484 of 012 546 4967 of stuur e-pos na info@toere.co.za om jou plek op 'n toer te bespreek of vir meer inligting oor een van hierdie toere.
XL Blue Planet Travel
By XL Blue Planet Travel glo hulle reis is meer as net van een punt na ’n volgende te beweeg. Dit is eerder ’n ervaring wat jou siel verryk en jou horisonne verbreed. Of dit ’n sakereis of ’n vakansie is, hul wydverspreide teenwoordigheid verseker toeganklike en persoonlike ondersteuning.
Blue Planet Travel se span van konsultante is passievol oor hul werk en deel graag hul kundigheid om die perfekte reis te verseker. Hulle is trots op hul goeie reputasie vir uitstekende kliëntediens en besonderse aandag aan detail. Blue Planet Travel is trotse lede van al die voorste reisorganisasies, waaronder van Iata, Asata en XL Travel Konsortium, wat verseker dat jy die beste diens en ondersteuning ontvang.
Skakel hul Kaapstad-kantoor by 021 689 6471 of hul Helderberg- en Wynland-kantoor by 021 852 9848.