Die ANC se hoofsweep het Dinsdagmiddag gevra dat die Nasionale Vergadering (NV) se bespreking oor wysigings aan die Pensioenfondswet vir eers oorstaan tot ’n ander dag.
Die debat en goedkeuring van die Wysigingswetsontwerp oor Pensioenfondse was Dinsdag op die lys van die NV in die parlement.
Dié wysiging is nodig om die tweepotstelsel moontlik te maak waardeur lede van pensioenfondse voortaan op sekere voorwaardes toegang sal kry tot ’n deel van hul aftreegeld.