Mosotho Moepya, voorsitter van die Verkiesingskommissie (OVK), is oortuig daarvan dat daar geen knoeiery in die verkiesing sal wees nie, ondanks stellings wat mense maak.
“Dis ’n vergesogte gedagte dat daar met die uitslae van die verkiesing geknoei kan word,” het Moepya Donderdag gesê in ’n bespreking by Wits se bestuurskool oor die OVK se gereedheid om die verkiesing aan te bied.
Volgens Moepya het die kommissie baie aandag tot in die fynste besonderhede aan die veiligheidsmaatreëls van die OVK se stelsel gegee.