Van al die wit mense in die land hou hy die meeste van Afrikaners, sê Julius Malema, leier van die EFF.
“Die meeste Afrikaners het net een paspoort en is hier. Hulle is nie soos hierdie ander met die een voet hier en die ander voet daar en wat nie eintlik weet waar hulle hoort nie,” het Malema sy voorliefde vir Afrikaners Vrydag in Sandown, Johannesburg, op ’n ontmoeting met joernaliste verduidelik.
Malema beplan eersdaags ’n ontmoeting met Afrikaner-boere. “Ek gaan nie van deuntjie verander (oor grondhervorming) as ek met hulle praat nie.”