Die brandstof wat die polisie se beskermingsdienste vir baie belangrike persone (BBP’s) gebruik het, het die belastingbetaler van 2018 tot 1 Maart vanjaar meer as R42 miljoen uit die sak gejaag.
So lui die antwoord van Bheki Cele, minister van polisie, op ’n parlementêre vraag van Andrew Whitfield, DA-woordvoerder oor polisie.
Nasionale en provinsiale BBP-beskermingsdienste het in die boekjare van 2018 tot 2022 R34,2 miljoen aan brandstof bestee en van 1 Maart 2023 tot 1 Maart 2024 het dit R8,4 miljoen beloop.