Mashatile ‘reageer binnekort’ op bewerings van korrupsie

Adj.pres. Paul Mashatile sal binnekort ernstige bewerings van korrupsie teen hom waarby spogwonings van miljoene rande betrokke is, opklaar.

Hy het Donderdag op ’n vraag-en-antwoordsessie in die Nasionale Vergadering (NV) gesê hy sal binne sewe dae vrae daaroor van die parlement se etiekkomitee beantwoord.

ANC-LP’s, onder wie die waarnemende speaker, het hom met alle mag beskerm toe Siviwe Gwarube, DA-hoofsweep, hom pertinent oor die meriete van die bewerings uitgevra het.