Die amper ’n volle maand sonder enige beurtkrag sover is volgens die DA waarskynlik te danke aan rekordvlakke dieselverbruik, maar die regering verskaf nie syfers nie.
Eskom se besteding oor die afgelope vyf jaar om sy oopsiklusgasturbines toenemend as basislading-kragstasies te benut, beloop R65 miljard.
Dié skoksyfer is blootgelê in ’n skriftelike antwoord van Pravin Gordhan, minister van openbare ondernemings, op ’n parlementêre vraag van dr. Mimmy Gondwe, DA-LP en woordvoerder van openbare ondernemings.